Avropa Liqasının qrup mərhələsinə vəsiqə qazanan “Qarabağ” və “Qəbələ” büdcəsini də zənginləşdirib.
İdmanxeber.com-un məlumatına görə, hər iki klubumuz qrup mərhələsinə yüksəlməsinə görə UEFA-dan 2 400 000 avro gəlir əldə edəcək.
Klublarımız qrup mərəhləsində qazanacaqları hər qələbəyə görə, 360.000, heç-heçə edəcəkləri təqdirdə isə 120 min avro gəlir əldə edəcəklər.
Qrup qalibi olacaq komandalar 500 000 avro gəlir əldə edəcəksə, ikinci yeri tutanlar 250 000 avro irəli düşəcək.
“Qəbələ” Avroliqanın bütün təsnifat mərhələlərində iştirak etdiyinə və uğur qazandığına görə əlavə 860 000 avro da qazanacaq.