Futzal üzrə "Avro-2016"nın pley-off mərhələsinin cavab oyunları keçirilib.
İdmanxeber.com-un məlumatına görə, Azərbaycan millisi səfərdə Slovakiyanın qonağı olub.
İlk görüşdə Bakıda rəqibinə 3:1 hesabı ilə qalib gələn millimizə Trnavada Slovakiya ilə heç-heçə edərək final mərhələsinə vəsiqə qazanıb – 1:1.
Qeyd edək ki, millimiz 2-13 fevralda Serbiyanın paytaxtı Belqrad şəhərində keçiriləcək "Avro-2016"nın final mərhələsində iştirak edəcək.
22 sentyabr
"Avro-2016", pley-off mərhələsinin cavab oyunu
22:00. Slovakiya – Azərbaycan 1:1
Qollar: Vitali Borisov, 7 (0:1), Rafay, 24 (1:1)
İlk oyun – 1:3
Hakimlər: Timo Onatsu, Toni Lehtinen (hər ikisi Finlandiya)
Trnava. "Mestska Sportova Hala" stadionu.