Topaz Premyer Liqasının VII turu çərçivəsində “Qəbələ” “Xəzər Lənkəran”ı qəbul edib.
İdmanxeber.com-un məlumatına görə, matç meydan sahiblərinin 6-0 hesablı qələbəsi ilə başa çatıb.
Oyundan sonra meydan sahiblərinin çalışdırıcısı Roman Qriqorçuk jurnalistlərin suallarını cavablandırıb:
– Nəzərə alsaq ki, iki gün öncə çətin oyun oynamışıq. Bu oyundan sora oiyunçularln belə çıxış etməsi məni şad edir. Sevinirəm ki, bu matç belə gözəl alındı. Bugünki oyun bizə analiz üçün kifayət qədər material verdi.
– Azarkeşlərin azlığı sizdə ruh düşkünlüyü yaratdımı?
– Yox, əlbəttə ki. Biz heç vaxt ruhdan düşmürük, nə olsa belə. Təbii ki, bu bizdən aslıdı. Nə qədə gözəl oynasaq, azarkeşlər də o qədər çox gələcək. Azarkeşlərsiz bizim qələbənin mənası olmur. Biz futbolu yaxşı oynamağa çalışırıq. Amma bu yaxşı oyunu məhz azarkeşlərə görə oynayırıq. Xallar və qələbə çox yaxşıdı, amma bunlar azarkeşlər üçündü. Futbol bayramının olması üçün azarkeşlərin olması vacibdi
– Bu matçda bir sıra rekordlar qeydə alındı. Bunlar haqda təəssüratlarınız necədi?
– Erkən qol həmişə yaxşıdı. Bu gözəl rekorddu. Statistikaya gəlincə, mən bununla çox da maraqlanmıram. Əvvəlki oyunlar maraqlı deyil, əsas hazırki nəticədi.
– Son zamanlar tez-tez 5:0 hesablı qələbə arzunuz olduğunu qeyd edirdiz. Yəqin ki, bu gün rahat yatacaqsız…
– Mən həmişə rahat yatmağa çalışıram. Belə qələbə motivasiya cəhətdən bizə çox lazım idi. Bəzən ebelə hesabla yekunlaşması oyunçularda özgüvəni artırır.
– Komanda çox istəkli və aqressiv idi. Hətta 3:0-dan sonra belə komanda da istək sönmürdü. “Sumqayıt”a qarşı belə motivasiya yox idi. Bu qədər aqressiyanın “Xəzər Lənkəran”la bir əlaqəsi varmı?
– Bizdə həmişə qalibiyyət istəyi var. Hesabın neçə olmasından aslı olmayaraq rəqib komanda bu hesabla uduzursa psixoloji cəhətdən pis vəziyyətdədi. Hər bir hücumçu da bundan istifadə edib daha çox qol vursun. Bu komandayla düşünmürəm ki, bir əlaqəsi olsun. Düşünürəm ki, heç vaxt hesab haqda düşünmək lazım deyil.
– Bu gün Qurban Qurbanovun etdiyi jest haqda fikirləriniz maraqlıdı. Siz olsaydınız necə qərar verərdiniz.
– Bunu sizdən eşidirəm. Mən Qurbanova çox böyük hörmət edirəm. Bu hərəkət mənim ona olan hörmətimi daha da yüksəklərə qaldırdı. Düşünmürəm ki, bununla o hakimə hörmət etmir. Hakim səhv edə bilər, məşqçi də bu səhvi düzəltsə daha yaxşı olur. Fəxr edirəm ki, Qurbanov kimi insan tanımışam.