“Qarabağ”ın futbolçusu Hamidu Keytanın “Konyaspor”a transfer olunduğunu bildirmişdik.
Fransalı futbolçunun keçidinə qardaş ölkə mətbuatında da yer verilib. “Yenihaber” nəşri Keytanın performansı ilə bağlı İdmanxeber.az saytının əməkdaşı Həsən Quluzadə ilə əlaqə saxlayıb.
Saytımızın redaktoru 26 yaşlı futbolçunun “Konyaspor” üçün uğurlu transfer ola biləcəyini vurğulayıb:
“Keyta “Zirə” klubundan “Qarabağ”a transfer olunmuşdu. O, sabiq klubunda sürəti və bitiriciliyi ilə diqqət çəkdi. Bu performansına görə də Ağdam klubuna keçdi. Ancaq “Qarabağ”da oyun sistemi fərlqidir. “Köhlən atlar” Azərbaycan Premyer Liqasının çox üzərindədi çıxış edir. Bəlkə də bu səbəbdən Keyta komandada möhkəmlənə bilmədi. Ancaq “Konyaspor”a faydalı ola bilər. Bu, məşqçinin quracağı sistemdən asılıdır”.