Rumıniyanın paytaxtı Buxarestdə keçirilən güləş üzrə Avropa çempionatı davam edir.
Bu gün yunan-Roma güləşi üzrə yarışa start verilib. Beş güləşçimiz döşək üzərinə çıxıb.
İslam Abbasovun təsnifat mərhələsində almaniyalı Denis Kudlanla görüşü 1:1 hesabı ilə nəticələnib. Qələbə idmançımıza verilib. Abbasov 1/8 finalda Rusiya təmsilçisi Davit Çakvetadzedən üstün olub – 2:1. O, 1/4 final mərhələsində ermənistanlı dünya və Avropa çempionu Maksim Manukyana heç bir şans verməyib – 6:1. Abbasov yarımfinalda Belarus təmsilçisi Mikalay Stadubla qarşılaşacaq.