Türkiyənin Ərzurum bölgəsində təlim-məşq toplantısında olan “Araz Naxçıvan”ın dünən keçirməli olan yoxlama görüşü təxirə salınmışdı.
İdmanxeber.com-un məlumatına görə, Naxçıvan klubu Türkiyənin seleksiya məqsədi ilə yığılmış 20 yaşlılardan ibarət yığması ilə qarşılaşmalı olsa da, bayram günü olduğundan bu görüş baş tutmayıb. Matç bu gün Bakı vaxtı ilə saat 13:00-da başlanacaq.
Qeyd edək ki, Naxçıvan təmsilçisi bu ölkədə iki sınaq matçına çıxıb. Əsgər Abdullayevin komandası ilk oyunda “Samsunspor”a 1:2 , ikinci qarşılaşmada isə “Tasus İdman Yurdu”na 2:3 hesabı ilə məğlub olub.