“Qəbələ”nin yarımmüdafiəçisi Kamal Mirzəyev karyerasını Küveytdə davam etdirəcək.
İdmanxeber.az-ın məlumatına görə, 24 yaşlı futbolçu bu ölkənin yüksək liqa təmsilçisi “Əl-Salmiyə” klubu ilə anlaşıb.
Artıq tərəflər 1 illik rəsmi müqaviləyə imza atıblar. Mirzəyev yeni komandasında 18 nömrəli formanı geyinəcək.
Qeyd edək ki, “Əl-Salmiyə” bu yay Bakıda təlim-məşq toplanışında olduğu zaman Kamal Mirzəyevin oyununu yaxından izləyib və bəyənib.