DÇ 2014-ün seçmə mərhələsi çərçivəsində Azərbaycan millisi son iki oyununu oktyabrın 11-də Şimali İrlandiya, oktyabrın 15-də isə Rusiya yığması ilə "Bakcell Arena"da keçirəcək.
Bu oyunlar üçün nəzərdə tutulmuş biletlərin müəyyən hissəsi güzəştli şərtlərlə satılacaq.
Belə ki, azarkeşlər bu kampaniyadan istifadə edərək iki oyuna 1 bilet əldə edə bilərlər. Biletlər sektorundan asılı olaraq 10-12 manat arasında dəyişir.
Biletlərin qalan hissəsi isə hər oyun üçün ayrı satılacaq.
Biletləri "Bakcell Arena"nın kassalarından, Park Bulvar Alış-Veriş və 28 Mall Ticarət Mərkəzlərindən əldə etmək mümkündür.
Azərbaycan – Şimali İrlandiya (tək bilet) – 1-ci kateqoriya 6 AZN; 2-ci kateqoriya 4 AZN; VİP 50 AZN
Azərbaycan – Rusiya (tək bilet) – 1-ci kateqoriya 10 AZN; 2-ci kateqoriya 8 AZN; VİP 100 AZN;
Azərbaycan – Şimali İrlandiya və Azərbaycan – Rusiya (2 oyuna bir bilet) – 1-ci kateqoriya 12 AZN; 2-ci kateqoriya 10 AZN;