Xəbər verdiyimiz kimi, “Səbail” 11 gün öncə müqavilə imzaladığı baş məşqçisi Aftandil Hacıyevlə yolları ayırıb.
İdmanxeber.az-ın əldə etdiyi məlumata görə, klub rəhbərliyi Hacıyevə müqavilədən öncə bir çox vəd versə də, sözləşmənin ardından bunların heç biri reallaşmayıb. “Yaxşı olacaq” vədi verərək Hacıyevi yeni müqaviləyə razı salan paytaxt klubunun məsul şəxsləri daha sonra çalışdırıcının onlara yeni futbolçular tapması ilə bağlı etdiyi müraciətə “yox” cavabı veriblər. Aftandil Hacıyev transfer məsələsində müqavilədən öncə verilən sözlərin daha sonra yerinə yetirilmədiyini görərək komandadan ayrılmaq qərarına gəlib.
Klub rəbərliyi əsas kimi “bu futbolçu yaşlıdı”, “o, daha çox maaş istəyir” və s. deyərək, transferin reallaşmasına qarşı çıxıblar. Bunun ardından tərəflər arasında qarşılıqlı razılaşma ilə yolların ayrılması müzakirə edilib və daha sonra müqaviləyə xitam verilib.