Dünyanın ən güclü 1000 məşqçisinin növbəti reytinq siyahısı açıqlanıb.
İdmanxeber.az-ın məlumatına görə, sözügedən siyahıda ölkəmizin yeganə təmsilçisi kimi Qurban Qurbanov yer alıb. “Qarabağ”ın çalışdırıcısının mövqeyində dəyişiklik olmayıb və öncəki kimi 547-ci pillədə qərarlaşıb.
Siyahıda liderliyi “Barselona”nın baş məşqçisi Ernesto Valverde ələ keçirib. O, 14464 xalla birinci yerə yüksəlib. “River Pleyt”in baş məşqçisi Marselo Qalyardo ikinci pillədə qərarlaşıb. “Atletiko”nun çalışdırıcısı Dieqo Simeone isə ilk “üçlüy”ü qapayır.