“Zirə”nin baş məşqçisi Adil Şükürov bu gün Azərbaycan Premyer Liqasının 9-cu turunun “Qəbələ”yə qarşı oyunundan (0:0) sonra mətbuat konfransı keçirib.
İdmanxeber.com-un PFL-in saytına istinadən yaydığı xəbərə görə, o bildirib:
– Qazandığımız xal münasibəti ilə komandanı təbrik edirəm. “Qarabağ”a məğlubiyyətdən sonra komandanı toparlamaq həqiqətən çətin idi. Biz bir araya gəlib, gərginliyi aradan qaldırdıq və bu gün həmin işin bəhrəsini gördük. Biz bu gün həm heyətdə, həm də oyunda dəyişiklik edə bilərdik. Unutmayaq ki, biz avrokubokda mübarizə aparan bir komandaya qarşı oynadıq. Belə bir görüşdə qapının toxunulmazlığını saxlamaq yaxşı haldır.