Yeni formatda keçiriləcək Çempionlar, Avropa və Konfrans Liqası oyunları Azərbaycanda canlı yayımlanacaq.
İdmanxeber.az-ın məlumatına görə, görüşlər “İctimai TV”dən nümayiş etdirələcək. Bu barədə kanalın sosial şəbəkə hesabından məlumat verilib.
Paylaşımda “Futbol azarkeşlərinə daha bir müjdə! Yeni formatda keçiriləcək Çempionlar, Avropa və Konfrans Liqasında 2024/2025 mövsümünün həyəcanı idman turnirlərinin dəyişilməz ünvanı İctimai Televiziyada yaşanacaq!” – deyə, vurğulanıb.
Xatırladaq ki, avrokubok görüşləri İTV ilə yanaşı, “CBC Sport”dan da canlı yayımlanacaq.
Qeyd edək ki, Azərbaycanı cari mövsüm Avropa Liqasında “Qarabağ” təmsil edəcək.