Türkiyənin “Mersin İdmanyurdu” klubu baş məşqçisi Bülənt Qorxmazla yollarını ayırmağa qərar verib.
İdmanxeber.com-un məlumatına görə, bu barədə klubun vitse-prezidenti Süleyman İdin açıqlama yayıb.
O, bəyan edib ki, klubun idarə heyətinin son iclasında baş məşqçi ilə yolların ayrılması qərara alınıb:
“Artıq bu barədə qərarımızı Büləntin özünə də çatdırmışıq. Sabah onunla bir daha görüşüb, qarşılıqlı razılıq əsasında ayrılmağa çalışacağıq. Daha sonra isə yeni baş məşqçi axtarışına çıxacağıq”.
Bir neçə gün idi “Qarabağ”ın yarımmüdafiəçisi Qara Qarayevlə “Sumqayıt”ın hücumçusu Tural Rzayevin “Mersin İdmanyurdu”na keçidi gündəmdə idi.