“Kəpəz”in futbolçusu Ahmed Ayzaya “Qəbələ”yə təklif olunub.
İdmanxeber.az-a daxil olan məlumata görə, cari mövsümü yüksək səviyyədə keçirən təcrübəli futbolçunun menecerləri “Qəbələ”yə yarımmüdafiəçinin mümkün keçidi ilə bağlı müraciət ediblər. Lakin “qırmızı-qaralar” bu məsələdə tələsməyə çalışmır.
“Qəbələ” rəhbərliyi mövsümü yaxşı formada keçirən komandanın özəyini saxlamağa çalışır. Bu baxımdan da əsas məsələ hazırkı futbolçularla müqavilənin yenilənməsidi.
Nigeriyalı futbolçunun “Qəbələ”yə keçib-keçməyəcəyi isə qarşıdakı həftələrdə bilinəcək.