“Leyptsiq” “Barselona”nın yarımmüdafiəçi Daniel Olmonun transferi ilə bağlı yeni təklifini qəbul etməyib.
İdmanxeber.az-ın məlumatına görə, Bundesliqa təmsilçisi Kataloniya klubunun təklif etdiyi şərtləri qeyri-qənaətbəxş hesab edib. “Leyptsiq” Olmo üçün ən azı 60 milyon avro qazanmaq istəyir.
Qeyd olunur ki, “Barselona”nın 26 yaşlı futbolçunun transferi üçün 55 milyon avro və bonuslar ödəməyə hazır olduğu barədə yayılan məlumatlar həqiqətə uyğun deyil.
Ötən mövsüm yarımmüdafiəçi bütün turnirlərdə “Leyptsiq”in heyətində 25 matçda 8 qol vurub və 3 məhsuldar ötürmə edib.