“Barselona”nın müdafiəçisi Ronald Arauxo yerli mətbuata açıqlama verib.
İdmanxeber.az-ın məlumatına görə, hücumçu Lionel Messinin Kataloniya komandasına mümkün qayıdışından danışıb:
“Biz paltardəyişmə otağında bu barədə danışmırıq. Bununla belə, Lionel Messi kimi futbolçu komandamızda həmişə xoş qarşılanacaq”.
Messi 2005-2021-ci illərdə “Barselona”da çıxış edib. Onun PSJ ilə hazırkı müqaviləsi 2023-cü ilin yayına qədərdir.
Bu mövsüm o, klubun heyətində bütün turnirlərdə 38 oyuna çıxıb, 20 qol vurub və 19 məhsuldar ötürmə edib.