“Mançester Yunayted”in baş məşqçisi Joze Mourinyo İngiltərə Kubokunun 1/4 final mərhələsində “Çelsi”yə qarşı keçirəcəkləri oyundan danışıb.
İdmanxeber.com-un məlumatına görə, portuqaliyalı mütəxəssis London klubunu artıq çempion kimi gördüyünü bəyan edib:
“Böyük ehtimalla, “Çelsi” kuboku qazanmaq barədə düşünür. Çünki onlar artıq çempiondurlar. Premyer Liqada mübarizə aparmaq üçün hədəfləri qalmayıb.
Biz hər oyunda qələbə qazanmağa çalışırıq. Həftəarası “Sent-Etyen”lə Avroliqada oyunumuz var. Daha sonra kubokda mübarizə aparacağıq. İnanıram ki, həmin görüşdən sonra yenidən Avroliqa həyəcanı yaşayacağıq. Premyer Liqada isə hədəfimiz “dördlük”də olmaqdır”.