“Topaz”ın Azərbaycan Premyer Liqasına sponsorluğundan imtina etməsindən sonra Peşəkar Futbol Liqası (PFL) bu gün tender elan edəcək.
Bunu İdmanxeber.az-a PFL-in Mətbuat və İctimaiyyətlə Əlaqələr Departamentinin rəhbəri Aslan Şahgəldiyev deyib.
Qurum rəsmisi bildirib ki, artıq bu gün tender elan olunacaq:
“Bəzi şirkətlər var ki, bizə müraciət edirlər. Əgər onların hər hansı biri ilə müqavilə imzalasaq tam qanunvericiliyə uyğun şəkildə bu həyata keçiriləcək. Bu gün saytımızda çempionatın sponsorluğu ilə bağlı tender elan olunacaq. Ondan sonra hər hansı bir şirkət sponsor olduqda ictimaiyyətə geniş məlumat veriləcək”.