UEFA Çempionlar Liqasının III təsnifat mərhələsində “Qarabağ” və Macarıstan “Ferentsvaroş”u arasında keçiriləcək ilk oyun üçün satışa çıxarılan biletlərin 28 mini alınıb.
İdmanxeber.az-ın məlumatına görə, avqustun 3-də keçiriləcək oyun üçün ucuz biletlərin hamısı satılıb.
Dünəndən başlayan bilet satışından sonra 5 manat, 10 manat və 20 manat dəyərində olan biletlərin hamısı alınıb.
Yalnız 50 və 75 manat dəyərində olan biletlər satışda qalıb.
Qeyd edək ki, “Qarabağ” – “Ferentsvaroş” oyunu avqustun 3-ü saat 20:00-da başlayacaq. Matç Tofiq Bəhramov adına Respublika Stadionunda keçiriləcək.