“Avro-2016″nın seçmə mərhələsində milli komandaların oyunları ilə əlaqədar Premyer Liqamızda yaranmış fasilədən istifadə edən klublar yoxlama görüşlərində qüvvələrini sınayır.
İdmanxeber.com-un məlumatına görə, bu gün Avropa Liqasının qrup mərhələsinin iki iştirakçısı – “Qarabağ” və “Qəbələ” üz-üzə gəlib. Bu matçda milli komandalara dəvət almış futbolçular iştirak etməyib.
Qəbələ şəhər stadionunda keçirilən oyun saat 19:00-da başlayıb. Oyun 2:1 hesabı ilə meydan sahiblərinin xeyrinə başa çatıb. Bütün qollar birinci hissədə vurulub.
Qeyd edək ki, Premyer Liqanın 8-ci turunda “Qarabağ” evdə “Zirə”ni qəbul edəcək. “Qəbələ” isə səfərdə “Neftçi”nin qonağı olacaq.
19.00. “Qəbələ” – “Qarabağ” 2:1
Qollar: Aleksey Antonov, Fakundo Pereyra / Dani Kintana