Avropa Liqasının pley-off mərhələsinin cavab görüşü çərçivəsində keçiriləcək “Qarabağ” – “Yanq Boyz” matçının hakimləri müəyyənləşib.
İdmanxeber.com-un klubun rəsmi saytına istinadən verdiyi məlumata görə, avqustun 27-də keçiriləcək oyunu litvalı hakimlər briqadası idarə edəcək.
Matçın baş hakimi olacaq Gediminas Mazeykaya həmyerliləri Vytautas Simkus və Vytenis Kazlauskas kömək edəcək. Sergejus Sliva isə dördüncü hakim funksiyasını yerinə yetirəcək.
Qeyd edək ki, Tofiq Bəhramov adına Respublika stadionunda keçiriləcək “Qarabağ” – “Yanq Boyz” oyunu saat 21:00-da başlayacaq.