Brahim Dias “Real”la “Borussiya” arasındakı sövdələşmədə iştirak etməyəcək.
İdmanxeber.az-ın məlumatına görə, icarə əsasında “Milan”da çıxış edən 23 yaşlı futbolçu müqavilə ilə Madrid təmsilçisinə məxsusdur. Daha öncə mətbuatda “Real”ın Jud Bellingem üçün “sarı-qaralar”a Dias və bir miqdar pul təklif etməyə hazırlaşdığı iddia edilirdi.
Ancaq rəhbərlik bu xəbərləri təkzib edib. 23 yaşlı yarımmüdafiəçinin bu transferə daxil edilməyəcəyi bildilir.
O, bu mövsüm A Seriyasında 30 matçda 5 qol vurub və 5 məhsuldar ötürmə edib.
Xatırladaq ki, “Real” Almaniya komandasına Bellingem üçün 100 milyon avro təzminat ödəməyə hazırdı.