“Liverpul”un müdafiəçisi Vircil van Dayk İngiltərə mətbuatına müsahibə verib.
İdmanxeber.az-ın məlumatına görə, niderlandlı futbolçu komanda yoldaşı Muhammed Salahı tərifləyib. O, misirli oyunçunun klubun əfsanəsi olduğunu açıqlayıb:
“Liverpul”dakı əksər oyunçular böyük kuboklar qazanmağa töhfə verib. Sahal mütləq əfsanə sayılacaq. O, çox vacib oyunçudur. Onun gördüyü işlərin dünya tərəfindən daha sonra qiymətləndiriləcəyini düşünürəm. Salahın “Liverpul” üçün gördüyü işlər göz önündədir. O, sadəcə eyni ruhda davam etməlidir”.
30 yaşlı misirli bu mövsüm mersisaydlıların heyətində 44 oyuna çıxıb, 27 qol vurub və 11 məhsuldar ötürmə edib.