İspaniyanın Madrid şəhərində şahmat üzrə İddiaçılar Turnirinin təntənəli bağlanış mərasimi keçirilib.
İdmanxeber.az xəbər verir ki, tədbirdə FIDE-nin rəhbər şəxsləri ilə yanaşı Azərbaycan Şahmat Federasiyasının prezidenti, Beynəlxalq Şahmat Federasiyasının vitse-prezidenti Mahir Məmmədov da iştirak edib.
AŞF rəhbəri İddiaçılar Turnirində üçüncü yeri tutan Teymur Rəcəbova bürünc medalı və xatirə hədiyyəsini təqdim edib.
14 oyundan 7,5 xal toplayan Azərbaycan şahmatçısı yarışı 3-cü yerdə başa vurub. Yarışın qalibi olan rusiyalı Yan Nepomnyaşi şahmat tacı uğrunda qarşılaşmada norveçli dünya çempionu Maqnus Karlsenlə görüşə vəsiqə qazanıb.
