“Qarabağ” və “Neftçi” klublarının sabiq fiziki hazırlıq üzrə məşqçisi Mehmet Ak maraqlı açıqlama verib. Berti Foqtsun Azərbaycan yığmasından getməsini istəyən türkiyəli çalışdırıcı nədənsə bu posta Böyükağa Hacıyevi layiq hesab etmir: “Foqts çalışdığı müddətdə Azərbaycan futboluna heç nə qazandırmadı. Əgər millinin 9 xal toplaması böyük uğurdursa, onda Foqtsla ömrünün sonuna kimi müqavilə imzalasınlar. Azərbaycan yığması qrupda 3-cü yeri tutmalı idi. Məncə, Foqtsun yerinə azərbaycanlı məşqçi gətirmək lazımdır. İki namizədim var: Qurban Qurbanov və Arif Əsədov. O ki qaldı Böyükağa Hacıyevə, millini çalışdırmaq onun görə biləcəyi iş deyil. Hacıyev bu işin öhdəsindən gələ bilməz, çünki yığmaya başçılıq etmək əziyyətli işdir”. (forvard)