Ötən gün səhər saatlarında Argentinanın Buenos-Ayres vilayətindəki Morona şəhərində naməlum şəxslər tərəfindən oğurlanan Karlos Tevesin atası Xuan Kabral buraxılıb. Bu barədə “Sky Sport HD” məlumat verib.
İdmanxeber.com “dailysport”a istinadən xəbər verir ki, Teves “Yuventus”un düşərgəsini tərk edərək evinə qayıdıb və danışıqlarda şəxsən iştirak edib.
Oğrular 1 milyon funt tələb edirdilər. Kabrala görə ödənilən məbləğin nə qədər olduğu haqda məlumat verilmir. Lakin artıq o, evinə buraxılıb.
“El Mundo” yazır ki, Kabral “Volkswagen Vento” avtomobilinin sükanı arxasında olarkən Dolores Pratt küçəsində tapança ilə hədələnərək qaçırılıb.
Federal prokuror Federiko Delqadonun dediyinə görə, cinayətkarlar 3 nəfər olublar.
Kabral Tevesin ögey atasıdı.
