“Neftçi” daha bir yoxlama oyunu keçirib.
İdmanxeber.com-un məlumatına görə, komanda bu dəfə AZAL klubu ilə qarşılaşıb. İsmət Qayıbov adına Bakıxanov qəsəbə stadionunda keçirilən oyun 1:1 hesabı ilə nəticələnib.
“Neftçi”nin heyətində yeni transfer Anyete fərqlənib. Bundan əvvəlki yoxlama görüşündə debüt edərək əvəzedici heyətin qapısına yol tapmış ispaniyalı hücumçu ardıcıl ikinci oyunda qol vurub.
“Neftçi”nin əsas heyətinin 8 futbolçusu milli komandalarımızın düşərgəsində olduğundan, AZAL-la oyunda meydana çıxmayıb.