“Arsenal”ın qapıçısı şansdan istifadə etməli olduğunu bildirib
İngiltərə Premyer Liqasının son turunun “Uotford”la oyununda (2:0) Peter Çex zədələnərək oyundan çıxıb. Onun yerinə meydana daxil olan almaniyalı qolkiper Leno Bakıda “Qarabağ”a qarşı oyunda da start heyətdə ola bilər. Leno bunu özü üçün böyük şans hesab edir:
“Baş məşqçi bir çox qapıçı ilə işləyib. Mənə güvənib Avroliqada şans verdiyi üçün çox şadam. Hələlik oyun təcrübəm azdır. Daha yaxşı olmağım üçün bu cür oyunlar mənim üçün çox vacibdir”.
Qeyd edək ki, oktyabrın 4-də Bakı Olimpiya Stadionunda keçiriləcək “Qarabağ” – “Arsenal” oyunu 20:55-də başlayacaq