UEFA Millətlər Liqası çərçivəsində keçiriləcək Azərbaycan – Qazaxıstan oyununun biletləri satışa çıxarılıb.
İdmanxeber.az-ın məlumatına görə, azarkeşlər biletləri iTicket.AZ vasitəsilə əldə edə bilərlər.
“Dalğa Arena”da baş tutacaq qarşılaşmada biletlərin qiyməti 2-10 manat arası dəyişir. Bir şəxsiyyət vəsiqəsi ilə yalnız bir bilet almaq mümkündür.
Qeyd edək ki, sentyabrın 25-də keçiriləcək Azərbaycan – Qazaxıstan oyunu saat 20:00-da başlayacaq.