“Yuventus” heyətinə yeni futbolçu qatıb.
İdmanxeber.az-ın məlumatına görə, Turin təmsilçisi “Marsel”in hücumçusu Arkadiuş Miliki mövsümün sonunadək icarəyə götürüb. “Qoca sinyora” 28 yaşlı polşalı hücumçunu 8 milyon avroya almaq hüququna malikdir. Milik artıq tibbi müayinədən keçmək üçün İtaliyaya gedib.
Qeyd edək ki, Arkadiuş Milik 2021-ci ildən “Marsel”də çıxış edir. O, bu ilin fevralında UEFA Konfrans Liqasının pley-off mərhələsinin ilk oyununda “Qarabağ”la matçda dubl edərək komandasına vacib qələbə qazandırmışdı.