“Fənərbaxça”da Koku dönəmi sona çatır.
Türkiyə mətbuatının yaydığı məlumata görə, “Fənərbaxça” klubu mövsümün əvvəlində vəzifəyə gətirdiyi baş məşqçi Filip Kokunu istefaya yollamağa hazırlaşır. Mövsümə uğursuz başlayan İstanbul təmsilçisi geridə qalan 8 turdan sonra əzəli rəqibi “Qalatasaray”ın 10 xal gerisindədir. Ötən tur “Başakşəhər”lə doğma meydanda heç-heçə edən komanda klub rəhbərliyinin səbr kasasını doldurub. Rəhbərliyin bu yaxınlarda hollandiyalı mütəxəssis ilə yollarını ayıracağı gözlənilir. Onun yerinə isə komandanın başına 2013-2014-cü ildə “Fənərbaxça”ya çempionluq yaşatmış Ersun Yanalın gətirilməsi bildirilib.