“Neftçi” yeni baş məşqçisi Nazim Süleymanovla müqavilə imzalayıb. Bu gün klubun bazasında komandanın təcrübəli mütəxəssisin təqdimat mərasimi keçirilib. Klubun rəsmi saytının verdiyi xəbərə görə, “Neftçi”nin prezidenti Sadıq Sadıqovun rəhbərliyi ilə keçirilən görüşdə Nazim Süleymanov komanda üzvlərinə təqdim edilib. Yeni baş məşqçinin köməkçisi isə Səmədağa Şıxlarov olacaq.