Azərbaycan Premyer Liqasının II turu çərçivəsində “Kəpəz”in “Zirə”ni hansı stadionda qəbul edəcəyi nəhayət ki, müəyyənləşib.
İdmanxeber.com-un məlumatına görə, gəncəli futbolsevərləri yaxından maraqlandıran qarşılaşma Yevlax şəhər stadionunda baş tutacaq. Bəs görəsən, görüş televiziya vasitəsi ilə də azarkeşlərin ixtiyarına veriləcəkmi?
Bu barədə saytımıza danışan “CBC Sport”un baş redaktoru fanatları sevindirmək istədiklərini bildirdi: “Əməkdaşlarımız Yevlaxa gediblər, orada oyunun canlı yayımlana biləcəyini söylədilər. Baxmayaraq ki, cuzi problemlər var, çalışacağıq ki, onları aradan qaldıraq. Bu da normaldı. Ümumilikdə isə problem yaranmazsa,turun bütün görüşləri canlı yayımlayacağıq”.