AVRO-2020-nin seçmə mərhələsində Macarıstanla səfər matçında Azərbaycan millisinin futbolçusu Bəhlul Mustafazadənin qolunun sayılmadığından xəbərdarsız. Matçdan sonra gənc futbolçu ilə rəqib komandanın üzvü Adam Salay arasında maraqlı dialoq olub.
Bu barədə Bəhlul “CBC Sport”a açıqlamasında bildirib. Onun sözlərinə görə, macar oyunçu qolun təmiz vurulduğunu, ancaq qrupdan çıxmaq üçün qələbəyə ehtiyaclarının olduğunu deyib. Salay Aavropa çempionatının final mərhələsinə yüksələcəkləri təqdirdə, Bəhlula hədiyyə göndərəcəyini deyib.
Sözügedən matç Macarıstanın 1:0 hesablı qələbəsiylə başa çatıb. 90+3-cü dəqiqədə görüşün niderlandlı baş hakimi Dennis Hiqler Bəhlul Musstafazadənin topa əllə toxunduğunu əsas gətirərək, təmiz qolu qeydə almayıb. Epizodun təkrarında onun səhvə yol verdiyi bəlli olub.