Azərbaycan millisinin Avqustun 20-də Özbəkistana qarşı keçirəcəyi yoldaşlıq oyununun baş hakimi gürcüstanlı FİFA referisi George Vadaçkoria olacaq.
İdmanxeber.com-un AFFA-nın rəsmi saytına istinadən verdiyi məlumata görə, G.Vadaçkoriaya Levan Varamişvili və Levan Todria kömək edəcəklər.
Dördüncü hakim funksiyasını Ömər Paşayev yerinə yetirəcək.
Qeyd edək ki, "Bakcell Arena"da keçiriləcək Azərbaycan – Özbəkistan oyunu saat 21:00-da start götürəcək.