Çempionlar Liqasının III təsnifat mərhələsinin cavab oyununda “Qarabağ” səfərdə “Şerif”lə qarşılaşıb. İdmanxeber.com-un məlumatına görə, evdəki qolsuz heç-heçədən sonra rəqib meydanında 2:1 hesabı ilə qalib gələn ağdamlılar pley-offa vəsiqə qazanıblar. Ölkəmizdə bunu bacaran ilk klub olaraq tarixi nəticəyə imza atan çempionumuz qələbəni paltardəyişmə otağında qeyd ediblər.
“Qarabağ”ın polşalı müdafiəçisi Yakub Jejniçak fotonu instaqram hesabında paylaşıb.