“Qələbəmiz layiqli idi. Özümüzü Azərbaycanı məğlub etməyə borclu hesab edirdik. Onlara səfərdə də qalib gələ bilərdik. Əgər bacara bilməmişiksə, öz günahımızdı. Qrupdan çıxmaq şanslarımız davam edir”.
İdmanxeber.com-un məlumatına görə, bu sözləri Kosovanın 21 yaşlı futbolçulardan ibarət millsinin üzvü Florent Hasani deyib. Avropa çempionatının seçmə mərhələsində yığmamıza 2:0 hesabı ilə qalib gəldikləri matçdan fikirlərini açıqlayan futbolçu, növbəti görüşdə Almaniya kimi çox çətin rəqiblə qarşılaşacaqlarını bildirib: “Buna görə maksimum hazırlaşmalıyıq. Azərbaycan üzərində qələbə Almaniya ilə görüş öncəsi motivasiyamızı artırır. Yarışın son çempionu ilə qarşılaşacağımızı bildirik. Azarkeşlərimizi həm oyun, həm nəticə ilə məyus etməməyə çalışacağıq”.