DÇ-2018-də qrup oyunları davam edir.
İdmanxeber.com-un məlumatına görə, ikinci oyun günündə 3 oyun keçirilib.
A qrupunda Misir və Uruqvay milliləri üz-üzə gəlib. Yekaterinburqda keçirilən oyunda Uruqvay son dəqiqə qolu ilə 3 xalı aktivinə yazdırıb.
B qrupunda isə İran və Mərakeş münasibətlərə aydınlıq gətirib. Bu görüşdə də, oyunun taleyini 1 qol həll edib. Cüneyt Çakırın idarə etdiyi matçda cənub qonşularımız qələbəyə sevinib.
İkinci oyun gününün son matçında isə azarkeşlər Portuqaliya – İspaniya qarşılaşmasına tamaşa ediblər. 6 qolun vurulduğu matçda qalib müəyyənləşməyib – 3:3.
15 iyun
DÇ-2018
B qrupu
19:00. Mərakeş – İran – 0:1
Qol: Aziz Buhadduz, 90+5-avtoqol
Baş hakim: Cüneyt Çakır (Türkiyə)
“Sankt-Peterburq” stadionu
22:00. Portuqaliya – İspaniya 3:3
Baş hakim: Canluka Rokki (İtaliya)
Soçi, “Fişt” stadionu
A qrupu
16:00. Misir – Uruqvay – 0:1
Qol: Xose Ximenes, 90
Baş hakim: Byorn Kuypers (Hollandiya)
Yekaterinburq, Mərkəzi stadion