İtaliyanın “Çittadella” klubunun futbolçusu Cüzeppe Paniko “Qarabağ”ın maraq dairəsindədi.
İdmanxeber.az-ın məlumatına görə, B seriya təmsilçisində top qovan 22 yaşlı forvarda Ağdam klubu təklif göndərib. Bu barədə nüfuzlu “Sky Sports” saytı xəbər yayıb. Paniko ilə maraqlanan klublar arasında “Qarabağ”ın da adı var.
Qeyd edək ki, Paniko İtaliyanın U-17, U-18, U-19 və U-20 yığmalarında oynayıb. “Cenoa”nın yetirməsi 2018-ci ildən B Seriyası təmsilçisi “Çittadella”da çıxış edir.