UEFA Avropa Liqasının pley-off mərhələsinin cavab oyunlarını stadionlardan izləyən azarkeşlərin sayı bəlli olub.
İdmanxeber.az-ın məlumatına görə, “Qarabağ”ın “Olimpiya” ilə heç-heçə (1:1) etdiyi qarşılaşma bu göstəricidə ikincidir.
Tofiq Bəhramov adına Respublika stadionunda baş tutan matçda 27 354 tərəfdar olub.
Ən çox tamaşaçı isə “Ayaks” (Niderland) – “Ludoqorets” (Bolqarıstan) görüşündə qeydə alınıb. Amsterdamda gerçəkləşən dueldə 50 900 nəfər tribunada əyləşib.
Qeyd edək ki, “Qarabağ” UEFA Avropa Liqasında qrup mərhələsinin H qrupunda Almaniyanın “Bayer 04”, Norveçin “Molde” və İsveçin “Hakken” klubları ilə mübarizə aparacaq.