Qazaxıstanın “Astana” klubunun baş məşqçisi Roman Qriqorçuk Riçard Almeydanın transferindən danışıb. İdmanxeber.com-un məlumatına görə, “Qəbələ”nin keçmiş çalışdırıcısı milli üzvünü tərifləyib:
“Bura gələndə heyətə görə narahat idim. Çünki güclənməli olduğumuza əmin idim. Almeydanın timsalında yaxşı oyunçu transfer etdik. Onu “Qarabağ”da çıxış etdiyi vaxtdan gözəl tanıyıram. Milliləşdirilən braziliyalı uzun müddət ərzində “Qarabağ”ın liderlərindən idi. O, Azərbaycan milli komandasında da oynayır”.