Antalyada təlim-məşq toplanışında olan “Sumqayıt”ın sözügedən şəhərdə qərarlaşdığı “Aska Resort” otelindən qovulması ilə bağlı məlumat yayıldı (sportinfo.az).
Klubun mətbuat xidmətinin rəhbəri Rəşad Məmmədov İdmanxeber.az-a açıqlamasında məlumatı yalanlayıb. Klub rəsmisi məsələyə belə aydınlıq gətirib:
“Bu informasiya yalandı. Bu gün komandada istirahət günü olub. Məşqimiz olmayıb. Hamılıqla şəhərdə olmuşuq. Gəzintidən sonra da otelə gəlmişik. Komandanın oteldən qovulması yalan məlumatdı”.