Premyer Liqanın ikinci dövrəsinə hazırlıqlarını davam etdirən “Sumqayıt” sabah növbəti yoxlama oyununu keçirəcək.
İdmanxeber.com-un klubun rəsmi saytına istinadən məlumatına görə, Samir Abasovun kollektivi “Səbail”lə üz-üzə gələcək.
Sumqayıt şəhər stadionunda baş tutacaq qarşılaşmanın başlama saatı da açıqlanıb. Belə ki, oyunun start fiti 17:30-da veriləcək.
Qeyd edək ki, “Sumqayıt” ilk yoxlama matçında “Qaradağ Lökbatan”a (3:0) qalib gəlib, “Səbail” isə “Sabah”la qolsuz bərabərə qalıb.