Türkiyənin Bolu bölgəsində təlim-məşq toplanışını davam etdirən “Sumqayıt” Futbol Klubu qonşu ölkədə dörd yoxlama oyunu keçirməyi planlaşdırır.
İdmanxeber.com-un məlumatına görə, artıq komandamın ilk rəqibi də müəyyənləşib.
Belə ki, “Sumqayıt” Səudiyyə Ərəbistanı təmsilçisi “Al Khaleej” klubu ilə üz-üzə gələcək. Qarşılaşma iyulun 15-də yerli vaxtla saat 17:00-da “Fənərbağça” Topuk Yaylası İdman Kompleksində keçiriləcək.
Qeyd edək ki, Səudiyyə Ərəbistanının yüksək liqasında mübarizə aparan “Al Khaleej” klubu 1945-ci ildə yaradılıb və 2015/2016 mövsümünü 33 xalla 14 komanda arasında 7-ci pillədə başa vurub.