“Trabzonspor” heyətini gücləndirməkdə davam edir.
İdmanxeber.com-un klubun rəsmi saytına istinadən verdiyi məlumata görə, Türkiyə təmsilçisi Moskva “Lokomotiv”indən Yan Duritsanı transfer edib.
Slovakiya millisinin üzvü ilə 2 illik müqavilə imzalanıb. 31 yaşlı müdafiəçinin maaşı da bəlli olub. O, “Trabzonspor”da ilinə 1,3 milyon avro qazanacaq.
Qeyd edək ki, 8 ildir “Lokomotiv”də çıxış edən Duritsa Slovakiya millisinin heyətində 83 oyun keçirib.