Avropa Liqasının ikinci təsnifat mərhələsi çərçivəsində iyulun 21-də keçiriləcək “Şkendiya” – “Neftçi” oyunu ərəfəsində mətbuat konfransı baş tutub.
İdmanxeber.com-un məlumatına görə,konfransda”Neftçi” başməşqçisi Vəli Qasımov və qapıçı Krşevan Santini fikirlərini bildiriblər.
Vəli Qasımov: “Rəqibimiz güclüdür, heyətində Avropa səviyyəli oyunçular var. Bununla belə, zəif yerlərindən istifadə etməyə çalışacağıq. Bura mərhələni keçməyə gəlmişik. Futbolçularımızdan çox şey asılıdır. Sonadək mübarizə aparsaq, istədiyimiz nəticəni qazana bilərik. Şansları əllinin-əlliyə dəyərləndirirəm”.
Krşevan Santini: “Baş məşqçimizlə eyni fikirdəyəm. Biz bura mərhələ adlamaq üçün gəlmişik. Rəqibin güclü olmasına baxmayaraq, mübarizə aparıb növbəti mərhələyə çıxmağa çalışacağıq”.