4 futbolçu ilə müqavilə yeniləyən “Sumqayıt” 2018/19 mövsümü üçün transfer çalışmalarını davam etdirir.
İdmanxeber.com-un məlumatına görə, sözügedən klub artıq ilk transferini də rəsmiləşdirib. Sumqayıtlılar ötən mövsümü “Qarabağ”da keçirmiş Əfran İsmayılovla 1 illik müqavilə imzalayıblar. Əfran yeni komandasında 22 nömrəli formada çıxış edəcək.
Qeyd edək ki, Əfran İsmayılov “Qarabağ”dan (163 oyun, 22 qol) başqa “Turan” (10 oyun, 2 qol), “Bakı” (17 oyun, 8 qol), “Xəzər Lənkəran” (11 oyun, 1 qol) və “İnter”in (10 oyun, 3 qol) formasını geyinib. 2010-cu ildə milli komandada debüt oyununu keçirən futbolçu 38 qarşılaşmada 5 qola imza atıb.