“Çox vacib qələbə idi. Baxmayaraq qələbə qazandıq, etiraf edim ki, çətin oyun idi. Yaxşı istirahət eləməliyik. Növbəti oyuna adaptasiya olmalıyıq”.
Bu sözləri idmanxeber.com-a açıqlamasında “Qarabağ”ın futbolçusu Çumbinyo deyib.
Çempionlar Liqasının ikinci təsnifat mərhələsi çərçivəsində Maltada “Valetta”nı minimal hesabla məğlub edən Ağdam klubunun braziliyalısı cavab görüşü öncəsi iddialı danışıb:
“İlk oyunda çətinlik olur. Məncə belə şeylər qaçılmazdı. Cavab oyununda əlimizə düşəcək bütün imkanları qola çevirməyə çalışacağıq. İnanıram ki, bu dəfə daha çox qol vurub azarkeşlərimizi sevindirəcəyik”.
Qeyd edək ki, Çumbinyo “Qarabağ”ın Çempionlar Liqasındakı ilk qolunun müəllifi kimi tarixə düşdü.