İspaniya La Liqasının bərpa tarixi açıqlanıb.
İdmanxeber.az-ın məlumatına görə, bu barədə La Liqanın prezidenti Xavyer Tebas yerli mətbuata açıqlamasında deyib. Tebas, çempionatın iyunun 11-də başlayacağını bildirib:
“Çempionatın iyunun 11-də başlamasını planlaşdırırıq. Məqsədimiz növbəti həftə ilk dörd turun oyun cədvəlini açıqlamaqdır. Ümid edirəm ki, La Liqanın başlayacağı tarix təsdiqlənər. İlk oyun “Sevilya” – “Betis” matçı olacaq”.
Bundan əvvəl İspaniyanın baş naziri Pedro Sançes La Liqanın iyunun 8-də bərpa oluna biləcəyini açıqlamışdı.