Xorvatiyanın “Osiyek” klubu heyətini yeni futbolçu ilə gücləndirib.
İdmanxeber.az-ın məlumatına görə, komanda müdafiəçi Emin Hasiçini transfer edib. 21 yaşlı oyunçu İsveçin “Varnam” klubundan yeni komandasına qoşulub.
O, eyni zamanda İsveçin U-21 millisinin şərəfini də qoruyur.
Qeyd edək ki, “Osiyek” Konfrans Liqasında “Zirə”nin rəqibidir. Tərəflər arasında Xorvatiyada baş tutan görüşdə hesab 1:1 başa çatıb.
Cavab qarşılaşması avqustun 15-i “Liv Bona Dea Arena”da keçiriləcək.